October thla liam ta khan Champhai Police Station-ah thubuai 16 ziah luh niin thubuai ziah luh zinga 2 chu hmeichhe pawngsual thubuai a ni.
October thla liam ta khan Champhai Police Station-ah pawngsual thubuai pahnih ziah luh niin, pakhat zawk hi kumtling lo hmeichhe pawngsual thubuai a ni a. Pakhat zawk hi kum tling hmeichhe rualbanlo pawngsual thubuai a ni ve thung. Thubuai ziah luh zinga tam ber chu ND&PS Act tlawhchhana ziah luh niin, 11 ziah luh a ni a. September thla chhung khan Champhai Police te hian Heroin Hawng 139 (Gram 1,759 a rit) Cheng Nuai 68 hu an man a. Tun hnai thla khat chhunga ND&PS Act tlawh chhana thubuai ziah luh tam ber thla
niin Heroin an man tam ber thla a ni bawk. MLP Act tlawh chhanin thubuai 1 ziah luh niin Apple Juice Litre 400 an man bakah In rawk thubuai 2 ziah luh a ni bawk.
Comments are closed.