THUNEITUTE HRIATPUI LOH A SAK OBSERVATION HOME

Get real time updates directly on you device, subscribe now.

Nimin khan, District Child Protection Committee chuan an Chairperson Maria C.T Zuali, District Bawrhsap hovin Champhai Zotea Observation Home sak mek bakah, District Child Protection Office leh Rose Children’s Home hmun turte tlawhin an enfiah.
Bawrhsap hi Juvenile Justice Board Principal Magistrate Zosangzeli Tlau leh member dang te, District Child Protection Committee member te, Child Welfare Committe Chairman leh District Child Protection Service-a thawk ten an tawiawm a ni. Champhai Zotea Observation Home sak mek chu siamthat ngaite sawiho niin, duhthusam lohna leh a nih dan tur phak lohna awmte chu sawrkar thuneitu sang zawka thlen ni se, an ti a ni.
Observation Home bik hi kum tlinglo dan bawhchhiate dahna tur a ni a, mahse building sak danah erawh Observation Home tur anga ruahman a ni lo a. Mipa leh hmeichhia awmna tur pawh a hranpa a siam a nih loh bakah building sak a nih tur thu hi Champhai District lama thuneitute hrilh hriat an ni lo nia thudawn a ni.
Nimin vek khan Champhai Zotea District Child Protection Office leh Rose Children’s Home hmunhma turte pawh khawtlang hruaitute nen tlawha enfiah nghal a ni bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More