Champhai leh Tuipui inkar Sawntlung mual chhakah Zotlang leh Chhungte inkara Agriculture Link Road awmsa chu Champhai Police Check Gate hela dan lova tawlhruk kuhva phur leh sumdawng ten an mahni pawisa a chei tharin kawng an laihna leivung te kawngpuiah hian tlain hei hian kawng a tinalin lirthei tan chhan ber anih thu Chhungte khawtlang hruaitute chuan an sawi a. Helai kawng hi kuhva phurh rukna kawng anih avangin laihchhiat tawh nimahse hei hi a ruka cheibawl that leh a ni a, hetihlai hian lirthei tlan theih tura Lei an dawh chu nimin khan Chhungte VC te chuan an thiat a ni.
Helai a lirthei tangkhang a awm fo avang hian nimin khan Pi R. Lalnunkimi bakah Pi Esther Leihangleh Pu Obed Lalmalsawma, SDC te chuan lirthei tam tak tan thinna hmun hi an enfiah a, kawng thar siala leivung awmte hi kawngpui a tla leh maithei a nih avangin harsatna nasa zawk a thlen lohna turin theihtawp chhuah anih tur thu District thuneitute chuan an sawi a. PWD nen thawk ho a helai a leivung tam lutuk chu paih thawl nise an ti a, kuhva phur te an kal tawh lohna tura hmalak zui dan tur leh leivung inhnawhkhat lutuk sutkian dan tur te chu Bawrhsap hoin an sawiho leh dawn a ni.
Comments are closed.