𝗧𝗵𝘂𝗽𝗲𝗸 𝘁𝗵𝗮𝗿 𝗰𝗵𝗵𝘂𝗮𝗵

𝗧𝗵𝘂𝗽𝗲𝗸 𝘁𝗵𝗮𝗿 𝗰𝗵𝗵𝘂𝗮𝗵
Champhai District Magistrate Maria CT Zuali chuan State pawn atanga rawn hawte dan zawm tur leh, Zokhawthar Containment Area a puan chhunzawmna tur inkaihhruaina siam belhna thupek a chhuah.
Thupeka tarlan dan chuan, Mizoram sawrkar thuchhuak angin India ram chhung leh ram pawn atanga Mizorama rawn lut te chu an lo luhna hmunah Rapid Antigen test hmanga endik vek tur a ni a.
Negative te chu ni 10 chhung an inkhung hran hnuah RTPCR emaw Truenat emaw hmangin test leh tur a ni a. Home Quarantine tura tih leh Home Quarantine mek, inkhung hrang tha tawk lo an awm fo tih hriat a nih thu leh, hri an lo kai palhin thil pawi tak thleng thei a nih avangin, khung hran ngaite chu a theih chin chinah VLTF ruahmannain Community Quarantine Facility-ah dah thin tur a ni tih tarlan a ni bawk.