TLANGSAM-AH GRAPE TUR HER LEH TAN TA

Get real time updates directly on you device, subscribe now.

Champhai Grape Grower Society chuan nimin atang khan Tlangsam winery-ah Grape an her tan.
Grape rahte hi July ni 13 atangin kut hnathawktute hnen atangin Kg-ah Rs 60 in an leisak tan a. July ni 13-ah Kg 6757.65 an lei hman a, a thawh hnihna atan nimin khan la lehin tlar dar 4 thleng khan Kg 11,608 an lei bawk a, avaiin Kg 17,825.81 la tawhin, hei hi Rs. 10,69,460 hu a ni. MLP Act hnuaia zu khap burna dan hnuaiah Grape Wine hi khap tel ni mah se, Champhai Grape Growers Society hruaitute chuan, Grape rah an thar chhuahte chu a tihralna dang an hriat loh avangin Winery-a dah turin an lei lo thei lo tih an sawi a.
Sorkarah Wine Rules siam tura an ngenna chu a hlawhtlin ngei beiseiin an thlir reng tih sawiin, Eptu Party-ten Wine Rules chungchangah NOC an ziahsak vek tawh avangin sorkarin venthawn tur a nei tawh lo nia an hriat thu an sawi bawk.
Grape rah an lak tawh chinte hi nimin khan Champhai DHO B.Lalzarzova hovin Tlangsam winery-ah her tan a ni a. Grape tui dahkhawlsa an la ngah avangin Wine-a chang tawhte chu um-ah thun nghal zel a ni a. Tunah hian Grape tui wine-a siam tawh um-a la thun loh litre 1,14,168 an la nei mek a, Champwine Case 1356 an la nei mek bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More