TLANGSAM KHAWTLANG HMALAKNA ENTAWN TLAK

Get real time updates directly on you device, subscribe now.

Champhai District chhunga a hmasa ber turin nimin zing atang khan Tlangsamah Bawlhhlawh tawih thei thliar hran a ni.
Tlangsam-ah hian Bawlhhlawh tawih thei thliar hrangin, a hranin lirthei hmanga paih tan a ni a. Bawlhhlawh tawih thei phur lirthei hi R.Lalnunkimi, DUDO in a vailiam a ni. R. Lalnunkimi chuan Champhai District-a bawlhhlawh tawih thei thliar hrang hmasa ber ni thei tura Tlangsam khawtlang hruaitute leh mipui thawh hona chu lawmawm a tih thu sawiin, bawlhhlawh tawih theite chu lei thaa la chantir leh tur a nih avangin nakin lawkah tangkai takin kan la hmang leh thei dawn a ni, a ti a. Tlangsam khawtlang hmalakna chu District chhunga khua leh veng hrang hrangte pawhin entawn se a duh tih a sawi bawk.
Khawtlang hruaitute chu khawfai leh nuam siam tura sawrkar thawhpuia sawmin, kan tanrual phawt chuan Champhai chu Mizorama District fai ber, thianghlim leh mawiah kan siam thei dawn a ni, a ti bawk.
He hunah hian Tlangsam Solid Waste Management Committee Chairman Lallawmsanga leh VCP Vanchhunga Tlau ten thu an sawi bawk. Tlangsam-ah hian Solid Waste Management Committee hmalaknain chhung tin pawisa thawhkhawm hmangin kartin lirthei hmanga bawlhhlawh paih a ni a. VC chuan chhung tinte bawlhhlawh, tawih thei leh thei lo thliar hrang tura hriattirin bawlhhlawh tawih thei leh tawih thei lo te chu a hrangin an paih tawh ang.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More