Champhai Traffic Police te chuan The Motor Vehicles (Amendment) Act, 2019 chu sawrkar thuchhuak angin, September ni 1 atangin a theih anga khauhin an keng kawh tan dawn.
Champhai Police Traffic Cell chuan Lirthei khalhtute fimkhur lehzual turin an chah a. He dan hi dan zawmtute tan chuan hlauhawm a nih loh thu leh, lirthei khalh hrim hrim te hremna ni lovin, dan ngai pawimawh loa dan bawhchhiate hremna a ni tih an sawi. Road safety leh Traffic discipline lama puitu leh hma sawn tirtu a nih ngei theih nan Traffic Cell chuan lirthei khalhtu ten dan zawm theuh turin an ngen a. Traffic Police ten dan bawhchhiat vanga driving licence leh motor document an man sak leh an hrensak tawh sa te chu August thla ral hma a in chingfel a, Champhai traffic cell ah ngaihven turin an ngen bawk.
Comments are closed.