TUI MAMAWHNA A SAN ZEL AVANGIN HMATHLIR THUI TAK NEIH A TUL

Get real time updates directly on you device, subscribe now.

Project Management Unit (JJM), PHE Department buatsaihin Community Mobilization Activities chungchangah Village Level Training ni hnih awh buatsaih a ni.
He hun hi DPRC Auditorium, Keifangtlang ah hman niin, Er. ZD Dengthuama, EE leh JJM Champhai District member Secretary chuan a kaihruai a. JJM in hna a thawh hrang hrang ah khaw hrang hranga WATSAN member leh hruaitute bakah, mipui thawh hona chu an hlawhtlinna hmahruaitu a nih avangin, tan la thar sauh sauh turin a chah a. JJM hi kum 2024 ah a tawp dawn avangin chumi hmaa JJM in a tumte tihlawhtling ngei tura tan la thar turin a sawm a ni. Tui mamawhna a san zel dawn avangin hmathlir thui zawk neih a tul thu sawiin, tui thianghlim leh hnianghnar lak zel tur dap chhuah kawnga hma la zel turin a ngen bawk.
Er. C. Zothansanga, SDO, PHE Department, Khawbung chuan Village Water & Sanitation Committee nih phung leh a hnathawh tlangpui sawiin, WATSAN hruaitute thlan leh ruat an nih dan a sawi bawk.
Julie C. Mawii, Coordinator SBM-G, Champhai District pawhin thu sawiin, Swatch Bharat Mission chuan India ram thingtlang khua zawng zawnga faina thlen tir a, khua zawng zawng ODF Plus nih tir chu a tum ber a ni, a ti a.
Champhai chu ODF Plus-a puan a nih theihna tura hma lakpuiah mipui a sawm a. Swatch Bharat Mission hnuaia kalphung te bakah tui thianghlim neih dan, bawlhhlawh leh tuichhe sawngbawl dan a sawifiah bawk.
Lalduhchhunga, Chemist, Water testing lab, PHE Department hnen atangin tui thianghlim leh thianghlim lo enfiah dan leh vilzui dan te ngaihthlak niin, a takin a tichhin nghal a. Training hi vawiin hian neih chhunzawm leh a ni ang.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More