TUI NUT AVANGIN TUI CHAWI THEIH LOH

Get real time updates directly on you device, subscribe now.

Champhai khawpui chawmtu tuilakna, Tuipui Lui a tui dawtna chu lei nawiin a hnawh avanga Tui pump theih loh chu thenfai tawh ni mah se, Tui nu avangin Tui hi pump theih a la ni lo.
Ruah sur nasa vanga Tuipui Luia Champhai tui lakna dawt lei nawiin a hnawh avangin Tui Pump theih loha awm reng chu Inrinni khan thenfai zawh fel a ni a.
Pathianni leh nimin chawhma lamah te Tui pump theih tawh ni mah se, Pathianni atanga ruahsurin Tuipui lui tui a tih nut thar leh avangin Tui Pump hi chawlh leh lailawk rih a ni a. Tuipui Lui pump theih loh a nih chhung hian Fal Lui lak ni mah se, Champhai khawpui khamkhawp tui pek chuah theih a ni lo a. Er. Lalhmachhuana SE, PHED chuan, khua a thata, Tui a nut loh chuan a pangngai angin tui pump leh theih beisei a ni, a ti.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More