TUIALHTHEI HARSAT ZIAAWM CHHO TAN

Get real time updates directly on you device, subscribe now.

Tun thla tir atanga Mizoram puma petrol leh diesel tlem lutuk avanga harsatna namen lo thleng chuan zia-awm lam a pan chho leh tan ta.
Tuialhthei harsatna a awm chhan hi Indian Oil Corporation (IOC) leh an tuialhthei phurtu, Mizoram IOC Transporters Forum (MITF) te tuialhthei phurh man chungchanga an inrem theih loh vang a ni a. MITF Chairman Lalnghakliana chuan tuna IOC-in tuialhthei phurh man a bituk hi kum 2016 a an siam ai pawhin a hniam zawk a, chuvangin tuialhthei phurtute hian hlep neih loh chu sawi loh an hloh zawk a ni, a ti a. Chuti chung chuan kar kalta Ningani tlai atang khan tuialhthei phurh tan leh an tum thu leh, hei hi IOC nena an inrem tak vang ni lovin mipui tawrhna nasa zawk a thlen loh theihna atana nawrh chhunzawm ta lo an nih thu a sawi.
Zirtawpni atang khan tuialhthei phur lirtheite hi a lo thleng leh tan a, hemi ni hian tuialhthei phur truck 14 a lo thleng a, Inrinni leh nimin lamah lo thlen belh zel tura ngaih a ni a.
Champhai ah chuan RC Pump, Zote chuan Tuialhthei hi an Free Sale ve ve a, Mizofed, Champhai chuan naktuk atanga mipuite hnena pekchhuah hman theih turin tunah hian Diesel – 1 trip leh Petrol – 1 trip ten Champhai an rawn pan mek bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More