TUIHNA HUMHALH LEH TIHFAI KAWNGAH INZIRTIRNA NEI

Nimin khan Nehru Yuva Kendra, Champhai leh PHE Department  Champhai  WATSAN  tangkawp buatsaiihin tuihna humhalh leh tihfai kawnga inzirtirna hun hman a ni. 

He hun hi Champhai Electric Veng Community Hall-ah neih niin, J.Kapkima, EE, PHED Champhai WATSAN Division chu resource Person a ni.

J.Kapkima chuan, Fai hi kan hriselna atan a tha a, faina hian min tizahawm bawk a ni, ti a. Khawtlang fai kan mamawh rualin mihring kan chenna, kan in leh lo a fai a ngai a, kan inbel kan thuam leh kan taksa thlengin kan fai a ngai Chutianga fai tura kan mamawh ber chu Tui Thianghlim a ni tih a tarlang a. Kan tui tlan hnar a thianghlim tur a ni a, kan tui

hnar ber a thianghlim loh chuan tui thianghlim neih a harsa thin a ni, a ti. PHE Department hian tui lak hna leh a tihfai hna hi an hmalakna pui ber a nih thu a sawi a, an tum ber chu Tui thiltihtheihna haichhuah a nih thu leh thingtlang kilkhawr berah pawh kum reilote chhunga in tinah Tui Connection hi pek vek tum a ni tih a tarlang bawk. Mizoram chhunga Block hrang hranga tui hnianghnar nei lo te chu chhinchhiah niin, tui hnianghnar zawk an neih theihna tura hma lak mek ni tih a sawi bawk.

Tui mamawhna a sang zel dawn a, kan in tur bakah kan kawt kai tih faina atan thlengin mamawh a la nih dawn avangin tun atanga tui renchem dan kan zir a tul a. Tui mamawhna a san dawn chauh avangin tui hna humhalh pawh tun atanga kan phak ang tawk theuhah kan kalpui a ngai a ni, a ti. He hunah hian NYK atangin thusawi ngaihthlak ni bawk a, tui hna enkawl dan tur leh tih thianghlim dan tur kawng hrang hrang ngaihthlak a ni bawk.