TUIPUIRAL TLANGDUNG CHAWHMEH TUI PAUITHIN

Get real time updates directly on you device, subscribe now.

Khawchhak tlangdung, a bikin Tuipuiral tlangdungah Pa-ui-thin (Rudasis piengrybis) a to nasa a, tunlai hian Pauithin hi an pawt nasa hle.
Pa-ui-thin hi hmun zo lam, thing chang hmunah a to thin a. Fah, Thil, Thingsia, Then leh Far hmunahte a to nasa tlangpui. Tuipuiral tlangdungah leh Champhai leh a chheh velah chuan Pauithin hi mi nawlpuiin an pa ei nasat ber niin a tui hle a. A hel pawhin a sên tui-hnai deuh chu an ei mai zel a ni. Inrinni atanga ruah sur avang khan Pauithin hi Khawbung, Zawlsei leh Khuangthing ramah raltlan leh tualchhung mi te’n an pawt hnem hle a. Pauithin hi tualchhungah Kg khat Cheng 100 atanga 150 in an
hralh tlangpui a. Tun hnaia Pauithin hralh atana pawh zawng zawng hi quintal 25 vel nia chhut a ni a. Aizawl lamah quintal 15 vel thawn chhuah niin Serchhip, Champhai leh hmundangah quintal 5 vel thawn chhuah nia thu dawn a ni a.
Tualchhungah quintal 3 vel hralh chhuah a nih bakah mahni ei atana an pawh belh khawm chu quintal 6 vel nia chhut a ni bawk. Hralh chhuah leh tualchhunga eiral hi a vaiin quintal 39 vel nia chhut a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More