Tlangsam rama “Zotuithar Tuikhur’, tura hraitu-a puh Hmingthansiama, H.Hmangaiha fapa, Champhai, Tlangsam chu, puh a nihnaah
finfiahna mumal hmuh a nih loh avangin District Court chuan a chhuah zalen. Hmingthansiama hi kumin May ni 12 khan ‘Zotuithar’ chu tura
hraia puh a ni a, May 19 khan man niin, Thla 2 aia rei Jail a tan hnuah, bail-a lak chhuah a ni a. Police-in chargesheet an thehluh hnuah thil
thleng chhuizui hna chu kalpui tan niin, Hmingthansiama hian ‘Zotuithar’ chu tura a hrai loh thu a sawi a; hei vang hian Court chuan
thuhretu mi 10-te chu koin, Courtah hian mi 5 an inlan a ni. Court chuan thuhretute thusawi ngun taka a ngaihthlak hnuah Hmingthansiama’n tuikhur tura a hrai lai hmu an awm loh avang leh, tur hnuhma engmah hmuh tur a awm loh avang te,
Sawrkar lamin finfiahna mumal tak Court-a thehluh tur an neih bawk loh avangin Champhai, Chief Judicial Magistrate, Lalrochami
chuan Hmingthansiama hi Zirtawpni khan a thubuai chu a tih tawpsak ta tih thu kan dawng.
Comments are closed.