Undivided Champhai District ah Hnahlan PHC fai ber

Get real time updates directly on you device, subscribe now.

Health Minister Dr. R. Lalthangliana chuan, Health Deparment-a thawktu te’n engtin nge kan awmna District fai leh thianghlim takin kan siam theih ang tih ngaihtuah tura fuihin, thianghlimna ken tel chu hriselna a ni, a ti.
Nimin khan National Health Mission (NHM) programme buatsaihah Kayakalp, Damdawi in Fai leh Tha lawmman, LaQshya Certification leh NHM hnuaia lawmman chi hrang hrang sem a ni a. District Hospital ti tha berah District Hospital,
Lawngtlai thlan a ni a, District Hospital, Champhai chu pahnihna niin, District Hospital, Serchhip chu 3-na a ni.
District Hospital Champhai hian lawmman pakhatna bakah pahnihna hi vawi hnih a lo dawng tawh bawk.
SDH/CHC ti tha berah Sakawrdai CHC thlan niin, Kawrthah CHC chu pahnihna a ni a, Biate CHC chu pathumna a ni. UPHC-ah Hlimen-in lawmman pakhatna a la bawk a ni. Hei bakah hian National Health Programme hrang hrang, 2019-20 chhunga district leh centre ti thate certificate hlan a ni bawk.
Khuallian, Dr. R. Lalthangliana chuan, mihring hriselna kawnga thawktu
Health Department chu an pawimawhzia hria a, an hnathawh piah lamah an tawngkam leh chezia in mi rilru leh taksa a tidam thei tih
hre thar leh turin a chah a.
Khual zahawm Dr ZR Thiamsanga MLA pawhin Kayakalp kalpui hnuah kawng hrang hranga hlawhtlinna
ropui tak tak an chan thu sawiin, heng hlawhtlinna te hi thawhhona tha an neih vang a ni tiin, ram pum leh khawvel huap thlenga ngaihtuahna seng turin a fuih a ni.
Kayakalp hi Central Scheme niin, kum 2015 atanga hman tan a ni a. He program hi Swachh Bharat Abhiyan hnuaia Sawrkar damdawi in – District Hospital, Sub District Hospital/
Community Health Centre, Primary Health Centre leh Urban Primary Health Centre te tehfung hrang hrang
hmanga endik a ni a. Damdawi in felfai ber thlanna niin a ti tha te hnenah lawmman sum fai leh citation te hlan thin an ni. He endikna hi Qualified Assessor te’n uluk takin
endikna, checkpoint awmsa 300 vel hmangin an endik thin a ni.
Undivided Champhai District bik Primary Health Centre (PHC) inelnaah
1-na : Hnahlan PHC
2-na : Khawhai PHC
3-na : Sialhawk PHC
Commendation Award
Khawbung PHC
Khawzawl PHC
Kawlkulh PHC
NE Khawdungsei PHC
Rabung PHC

Hnahlan PHC

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More