VAPHAI A THIL THLENGAH POLICE TEN MAN BELH NEI

Get real time updates directly on you device, subscribe now.

Mi kut tuar ni ngeia hriat boral zui ta Pu Laldingliana thihna thleng chungchangah Champhai Police te chuan mi 2 an man belh leh tawh.
Tarlan tawh angin nimin piah khan Case IO Lalnunmawii Varte, SDPO chuan he thil thleng chungchangah mi 7 te chu thu zawt fiahin, an zinga mi 2 – Rohmingmawia kum 27 mi leh Lalkhawngaihsanga kum 18 mi, Vaphai khua ve ve chu manin an kawl zui mek a. He thil thleng chungchangah hian FIR thehluttu Pi Lalrosiami, Pu Laldingliana farnu-in a nau kuttlak tua a puh mi pahnih, Lalramsiama leh Lalhumliana te chu FIR theh luh tuk, March ni 25 tlai lam khan man an lo ni tawh a.
Case IO sawi dan chuan, Dungtlang Police Station-a thubuai thehluh a nih rual hian kut thlaktua puh te hi man nghal tum ni mah se, inneihnaah an kal a, an zinga pakhat zawk hi moneitu thianah a tan avangin Inneih hun hman zawh hnu, March ni 25-ah an pahnih hian an man ta a ni.
A tira FIR-a ziahlan a nih angin IPC Section 325 hnuaiah (mi na taka kutthlak) thubuai ziah luh a ni a; kut tuartu Laldingliana hi a boral tak avangin IPC Sec 304 (tum reng vang ni lova tualthah) thubuaiah thlak leh a ni a. He thubuai hi chhui mek zel a nih avangin thubuai ziah luh dan pawh hi la thlak danglam leh theih a nih thu Case IO chuan a sawi.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More