VAWK HRI LENG VANGIN FARKAWN KHAWTLANG IN HARSAT TAWK

Get real time updates directly on you device, subscribe now.

Nimin khan Champhai District Bawrhsap chuan Farkawn khua tlawhin, Vawk hrileng vanga tawrhnate line department leh bank hotute nen an enfiah.
Bawrhsap James Lalrinchhana chuan, vawk pul hrileng vanga vawk vulhtute harsatna tawh engtin nge kan buaipui ang, tih ngaihven tura bank hotute leh line department hotute nena Farkawn tlawh an nih thu a sawi a. An harsatnate bank hotute hnena thlen a nih thu a sawi bawk.
Ramri depa awmte chu ruihhlo ven kawnga theihtawp chhuaha tanpuiah a sawm a. Hman khat daih polythene hmang tawh lo tura tanrual a tul thu a sawi bawk a.
Covid-19 hrileng thar leh laka inkaihhruaina dan zawm kawngah thahnemngai taka tha thawh thar leh turin mipui a chah nghal bawk. Dr. Lalrinhlui, VO Champhai tarlan danin April ni 11, 2022 khan Farkawnah ASF hri hmuh chhuah a ni a. Nimin thleng khan Farkawnah Vawk 859 thiin, 1794 suat a ni a. Vawk thi leh suat hi 2653 a tling a ni. Vawk vulh loan la mi 74 awmin, Loan Cheng Nuai 300 chuang an la a ni.
Jyoti Munna Soren, Lead District Manager Champhai chuan ASF vanga Vawk chante chu an loan lak dan, rulh dan, loan rulh kawnga harsatna an tawh, vawk vulh zat, a thi leh a la bang leh tul dangte report kimchang siama Bank Branch a thehlut turin a hrilh a. Hemi hnu hian District Level Committee hmingin State Level Bankers’ Committee ah report thehluh a ni ang tih a sawi.
Nimin hian Farkawn YMA Hall-ah Farkawn VC, NGO leh Farkawn Vawk Vulh Society-te nen inrawnkhawmna leh hmalak zel dan tur inhrilhfiah a ni a. Hemi hnu hian Vawk pul hri avanga tawrhnate enfiah a ni.
African Swine Fever hri vangin Champhai District chhungah Vawk 7,418 a thi tawh. Vawk pul hri African Swine Fever hri leng hi Champhai District chhungah ziawm lam a pan thei rih lo a. Nimin khan Champhai District chhung hmun 5 ah Vawk 27 a thih belh leh a, Sesih-ah Vawk 12 thiin, nimina Vawk thi tam berna a ni a. Khuangthianga 8, Samthang leh Selamah 3 ve ve leh Khuanglengah 1 an thi bawk. African Swine Fever leng thar leh hian Champhai District chhunga khua leh Veng 40 a luhchilh tawh a. Nimin thleng khan Vawk 3542 thi tawhin, Vawk 3903 suat a ni tawh a, ASF kaihhnawiha Vawk thi hi 7,418 an tling tawh a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More