Vawk thih belh zel

Vawk thih belh zel

Get real time updates directly on you device, subscribe now.

African Swine Fever vangin niminpiah khan Zokhawtharah vawk 10 a thih belh leh.
Dr Lalrinhlui, Veterinary Officer sawi danin, Zirtawpni khan Zokhawtharah African Swine Fever vangin vawk 10 a thih belh leh a, heti hian ASF vanga Zokhawthara Vawk thi hi 49 a tling tawh a ni.
Zirtawpni khan AH & Vety Department, Champhai District chuan vawk in leh a vel tih thianghlimna tur, Bleaching Powder chu Champhai khawpui chhung leh ramri dep khuaahte an sem chhuak tan a, hman mai theih tur 2% Bleaching Solution siam dan leh hman dan turte an zirtir nghal zel bawk. Champhai khawpui chhung leh ramri dep khuaahte Bleaching hi bag khat theuha sem phawt a ni a, ruahman dan chuan niminpiah khan Hnahlan tlangdung leh East Tuipui bial ramri dep khuaahte sem chhunzawm a ni ang.
AH & Vety Department, Champhai District hotute chuan Vawk hri leng darh zel tur laka inven chu tih theih awm chhun a ni rih tih sawiin, inven nan hrivei vawk lakluh loh, vawk damlo talh loh, vawk in intlawhpawh tawn loh, vawk thi tha taka phumbo leh vawk in tih thianghlim ngunte a pawimawh tih an sawi a.
DVO Dr B. Zonghinga chuan vawk vulhtute chu mahni vawk in ti thianghlim tha a, ASF pumpelh theuh tum turin a chah a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More