VAWK ZA CHUANG SUAT BELH

Get real time updates directly on you device, subscribe now.

Vawk Pul hri, African Swine Fever vangin Champhai District chhungah Vawk 87 a thih belh leh a, Vawk 116 suat belh leh a ni.
African Swine Fever leng thar leh avangin nimin khan Champhai District chhunga Veng leh Khua 8-ah Vawk 87 thih belhin, Vawk 116 suat belh leh a ni a. Vawk thi tamna ber Farkawnah Vawk 33 a thi a, Vawk 26 suat leh a ni.
Vawk pul hri leng thar leh tuarna ber Farkawn khuaah hian Vawk 285 thi tawhin, m Vawk 207 suat tawh a ni a. Farkawn khuaah hian In 720 vel awmin, in tinin vawk an vulh deuh vek a, a vulh tam pawl te chuan 200 dawn te an vulh a. Hei bakah hian chhungkaw 300 vel chuan Self Help Group kaltlangin Vawk vulhna atan hian ₹ Nuai 600 chuang Loan an la tih Farkawn Rural Bank Manager chuan a sawi.
AH&Vety Department chhinchhiah dan chuan Champhai District chhunga khua leh Veng 20 te ASF hian luhchilh tawhin, Khua leh Veng 12 te chu Vawk hri lenna hmunah puan mek a ni a. Nikum lama ASF avanga vawk thi nen Champhai District chhungah Vawk pul hri avang hian Vawk 1,636 a thi tawh niin thu dawn a ni

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More