VC te hi khawtlang nu leh pa an ni – Law Minister

Get real time updates directly on you device, subscribe now.

Champhai South bialtu MLA, Law Minister TJ Lalnuntluanga chuan a bial chhung fan chhunzawm zelin, nimin khan – Mualveng, Ruantlang, Zotlang, New Champhai, Venglai, Vengthar leh Bethel Veng VC thlan tharte lawmpuina thilpek a hlan.
VC thlan tharte hnena lawmpuina thil pek a hlannaah hian Minister chuan thu sawiin, Village Council chu khawtlang neitu, kawng engkima kan nu leh pate an ni a, kan khawtlanga dinhmun harsa leh rahbi tleute innghahna an ni, a ti a. Kan khawtlang, veng chhunga tanpui ngaite an mamawhna zawna puibawm a, tanpui zel tur leh mi rethei zawkte tana sawipuitu ni zel turin VC-te chu a fuih a; khawtlang inrelbawlna kawng hrang hrangah Pathian hre reng turin a chah bawk.
Minister chuan, mahni thawh chhuah leh kutkawih ngeia intodelh a pawimawhzia leh kan rilru sukthlek dik lote thlak danglam a pawimawhzia te sawiin, chutiang tura kum lama naupang zawk leh thangtharte zirtirtu ni zel turin khawtlang hruaitu kal khawmte chu a sawm bawk a. Kristian ram kan nih angin, ram leh khawtlang rawngbawl hna kan thawhna kawngah Pathian thu chauh hi kan innghahna awmchhun
a ni a; Bible atangin bul kan tan thar a ngai a ni, a ti a; chumi avang chuan VC thlan tharte lawmpuina atan pawh BIBLE kher hi thlang a nih thu a sawi a ni.
Minister hian tukin dar 7:00 hian Chhungte VCP leh Treasurer, tun hnaia MNF Party zawm tharte lawm
luhna hun a hmang ang a. Chhun dar 12-ah Champhai District Treasury Office, Champhai Vengthar-a mi
chu a hawng ang. Minister hi naktuka Lok Sabha leh Raya Sabha MP te kaihhruaina hnuaia Champhai district chhunga hmalakna hrang hrangte thirhona DC Conference Hall-a neih a tel hnuah Aizawl lamah a kir thla ang.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More