UD&PA hmalakna in nimin khan Khankawn leh Zotlang bypass road tifai-a hnatlang neih a ni.
UD&PA ten an lo tihfo tawh thin angin nimin khan faina hnatlang an nei leh a. Nimin bikah hian Champhai khaw chhunga VC remchang awm apiangte nen Khankawn Police Check Gate atanga. Zotlang panna kawng, By-pass road ah faina hnatlang hi an nei a. Hnatlangte hian kawng sira bawlhhlawh awm te an chharfai bakah luikawr a bawlhhlawh awm te an chhar faiin an thianfai a, an bawlhhlawh chharte hi an bag ken theuh hmanga keng khawl zelin Tipper chuan a paih sak a ni.
Hnatlang te hian bawlhhlawh an thenfai bakah hian kawng sir hmun remchang lai apiangah bawlhhlawh bawm an dah nghal zel a.
Heng bawlhhlawh bawmte hi mipui te’n hmang tangtai tur leh, kawng sir leh a chheh vela bawlhhlawh te paih mai mai lo va, a bawmah paih zel turin Department chuan a ngen a ni.
Comments are closed.