A bial chhung fanga Champhai chamchilh mek, Law & Judicial Minister TJ Lalnuntluanga, Champhai South bialtu MLA ni bawk chuan nimin khan Champhai Vengthar Branch YMA hnenah Oxygen Concentrator a hlan.
Vengthar Branch YMA hnena Oxygen Concentrator hlanna hunah hian Minister TJ Lalnuntluanga chuan, Oxygen hman ngaia awm hi thil thlanawm tak ni lo mah se, damlo mamawhtu an awm thin si avangin a bial chhunga YMA Branch 21 leh YMA Sub-Hqrs hnenah MLA Fund kaltlanga Oxygen Concentrator pek a tum thu sawiin, a mamawh zual Veng 19 te hnenah Oxygen Concentrator hlan fel a ni tawh tih a sawi. He hun hi Lalhmingliana, Vice-President, MNF Champhai South Block in a kaihruai a ni.
Nimin Champhai South bialtu MLA hian a bial chhung Zion Veng Field laih mek a tlawh bawk a. He field hi YMA Sub-Hqrs park huam chhung, a chuanchung an hawh tirah buatsaih mek a ni a, Minister hian a tihpuitlin dan tur ngaihtuahin, a hmunah a enpui a ni.
Comments are closed.