Branch YMA Executive Committee chuan kumin YMA Day chu member intihhlimna ni atan hman nise ti in a rel. Tin YMA Day denchhen hian Veng chhunga mi harsate tanpui nise a ti bawk.
Branch Executive Committee chuan kumin 2009 YMA Day chu member intihhlimna ni atan hman tha a ti a, he mi ni hian item thlanchhuah bikah Section hrang hrangte intihsiakna neih nise, item tur lo buaipui tur leh programme lo siam fel turin Branch OB-te kutah a dah a ni. Tin, YMA day denchhen hian veng chhunga mi harsate tanpuina pek nise, hemi atan hian Branch YMA in Rs. 3000/- tum nise, a belhchhah nan YMA Day a member kalkhawm ten mahni theih ang tawk tawk ken khawm nise ti in a rel a ni. Zan lamah Programme nei zuiin hetah hian Section tinte lengkhawmzaia intihsiakna neih bakah kumpuan ‘Khawtlang nun siamthat’ tih chu hawnna neih nghal nise a ti bawk.
Branch Executive Committee-in an kuta a dahte bawhzui in Branch OB meeting chuan heng item te hi inelna atan a ruat a ni :
1. Dodge Ball : Member zawng zawng
2. Mass Race : Member zawng zawng
3. Volleyball : Men & Women T.T point chhiara chhiarin Game khat point 15 a ni ang. Best of three a ni ang. Mipakhatin Game khat bak khelh awih a ni lo. Match dangah pawh mithar zel luh tur a ni.
4. Football : Men A rualin mi 8 in khelh theih a ni ang. Khelh hun chhung chu 15 + 15 a ni ang. First half a khel second halfah luh nawn awih loh a ni in match dangah pawh mithar zel luh tur a ni ang.
Intihsiakna hi zing dar 9:30 ah tan chat tur a ni a, Section tin te a hun taka tan a nih theih nan lo inbuatsaih lawk turin Branch OB meeting chuan a ngen bawk a ni.
(Programme kim chang chu issue lehah tarlan a ni ang)
================================
BRANCH
Joint Meeting:
Dt.4.6.2009 tlai khan Vengsang Branch YMA OB leh kan VC ten Pu R. Kapthanga In ah zanriah kilho pahin Joint Meeting an nei a, khawtlang hmasawnna tura hmalak dan tur chi hrang hrang an sawiho. YMA OB leh VC te an kalkim tha hle.
NGENNA
YMA OB leh VC te inhmukhawm hian kan YMA Information tha tawk lo hi an vei tlang hle a, tunlai dinhmun thlirin YMA information hi khawtlang thil pawimawh leh engkim puanchhuah nana kan hman tangkai em em a nih avangin hemi thuamthat nan hian Vengchhung in tinin tha kan thawh theihna a nih ringin leh information thuamthat nan hian senso a sang dawn hle mai a, ch uvang c huan kan hma lawka NREGS inhlawhna chhuak leh turah hian tunhma aia tlema tam deuh cut nise an ti a, hei hi Vengchhung mipui te’n hrethiam hram turin kan in ngen a, hetianga kan tih theih chuan VC Tlangau hi tun aiin a letin kan hrechiang tlang thei tawh ang a, khawtlang thil pawimawh YMA information hmanga puan reng reng kan hre kim tlang tawh ang. Chuvangchuan, he ruahmanna hi zawm tlanga chhungkaw tinte’n hrethiam turin kan in ngen nawn leh a ni e.
Kan lawm hle :
Pu Lalringngheta (Mangeta) leh Tv. Zosangliana (Durtea) ten’ lungral leh suahdur fawng min vuah sak a, an chungah kan lawm tak zet zet a ni.
===================================
Tualchhung
V.C News :
BDO office lamin Job Card an endikna kal mekah heng a hnuaia mite hi insawifiah tura BDO office in an hriattirna lehkha pek mai tur hriat loh an ni a, Ni 7.6.2009 (Chawlni) ral hma ngei in ID Card Xerox copy nen VC President/Secretary hnenah in report tur a ni :
HMING Job Card No.
Lalniliana -555
Siamliana -350
Lalbiakengi -136
Lalrintluanga -475
Lalthangkima -553
Lalvensanga -607
Vanlalremi – 318
PC Lalrawnliana – 579
Heng mite bakah hian kohna hmu tawh insawifiahna la ti lo zawng zawng te pawh Ni 7.6.2009 (Chawlni) ral hma ngei in tihfel tur a ni. Hun tiam chhunga tifel lote chuan mahni in BDO Office-ah mahni insawi fel a ngaih dawn mai bakah Job Card paihsak (cancel) an awm pawhin VC in mawh a phur lovang.
Hume pipe phum :
VC te’n tunlai hian Veng chhung kawng pawimawh hmun hrang hrang heng Pu C.Lalthanga Vsec In bul kawrah te, Excise kawng Pu Hmuaka In piah kawrah te, Pi Rinthangi In (Mualbawk Hosp. Road) bul kawrah te, Hospital Road (Hospital Veng Biak In chhak kawi) ah te leh Hospital Road Pu R Lalruala In bulah te Hume pipe an phum.
Lung phah mek :
Pu Rodinpuia In bul (Hosp. Road kawng chung zawk) atanga Hospital kawngpui pawh thlakna Pu R Lalruala kawta chhuak thla chu tunlai hian VC te’n cheiin Motor-te kal tlang theih turin lung (plain) an phah mek.
Step siam dawn :
VC hmalakna in Liana veng leh PHE inkalpawhna tur Pu R Kapthanga leh Pu F Tlanglawma N.Sec. te In inkarah Step siam mek a ni a, a kalna tur siam fel a ni tawhin step tur lung pawh dah fel tawh a ni.
Boulder phah dawn :
Tunlai hian kan VC ten veng chhung kawng chei that hna ngawrh takin an thawk mek a, Mualbawk atanga Hospital pana kawng chung zawk, Excise peng atanga CMO Office thlengin boulder phah turin hma an la mek a, boulder lung pawh dah fel vek tawh a ni. Sum lam harsatna avangin a tluanin tih theih la nilo mahse Kan VC te hian a tluana boulder la phah ngei an rum thu an sawi.
Hmun hrang hrangah hnathawhna tur lung kan VC te’n an chhawp mek a, heng lungte leh boulderte hi veng hmasawna tur anih angin tumah a ti riral zawnga awm lo turin kan inngen a ni.
LAWM THU SAWI
Tunlai hian VC te’n Veng chhung hmun hrang hrangah hna an thawk mek a, an hnathawhna ah mimal ram sut ngaih changte a awm thin a, Mimal, phal taka an ram khawtlang tana pe tute chungah lawmthu an sawi mawlh mawlh a ni.
================================
Hlawhtlinna:
Mihring tungchhoa kal tawh phawt, mi ang pangai chuan mahni zawn theuhah leh mahni thiltihna apiangah hlawhtling nih kan duh thin a, mahse, hlawhtlinna tak tak nei tur chuan kan peihna leh kan thiltihin a tlin thin lo. Chumi su tlanga mi hlawhtling nih theihna thuruk pawimawh ber chu hei hi a ni, “Mahni hmazawna taima tak leh rinawm taka thawka, tumruhna neih hi a ni”. Lehkha zir mi kan ni emaw, inkhelmi kan ni emaw, sumdawng mi pawh niin leh kuthnathawk pawh ni ila, kan sawi tak anga kan hmazawna theihtawp kan chhuah a, taimakna leh rinawmna nena turchhel taka kan tih fan fan chuan eng kawng pawh zawh ila, mite angin hausa thur thur leh lar vut ni lo mahla, i hmazawn, i thil tihna eng kawng ah pawh mi vangtlang ni phak chuan i hlawhtling ngei ngei ang tih hi ringhleh hauh suh.
Zirna lam bik han thlur thuak ila, lehkha theihtawpin i zira, i lo zir chhuaka, swawrkar hnathawh kher hi hlawhtlinna a ni hran lo. Sumdawng tur pawhin lehkhat hiam chuan hmangchang an hre zawk daih a, chutiang bawkin infiamna lamah kal chunzawm tum la, lehkha i thiam chuan hlawhtlinna kawngka pen sawmin i hnaih sa hrim hrim. Kuthnathawk i nih phei chuan ruahmanna kawng engkimah lehkha thiam lo hnathawk tawp ai chuan pen sawm thoin hlawhtlinna kawng i hnaih tih in theihnghilh hauh suh.
=================================
SECTION NEWS
TAITESENA
Ni 4.6.2009 (Ningani) zan khan Section Committee an nei a. YMA Day a Sport awm tur a pawimawhte an sawihova, Champion ngei an turn hie. Naktuk (Thawhtan) zing kar hian Section huam chhung thianfaia hnatlang neih an tuma member-te thahnemngai taka thawkchhuak turin hruaitu te’n an ngen a ni.
Ni 9.6.2009 (Thawhleh) zan hian hla zir an tuma, Member zawng zawngte thahnemngai taka hla zir turin an inngen a, Sport-na a tel tumte phei chu hla hi zir ngei turin an inhriartir a ni. KHUANGCHERA
Ni 4.6.2009 (Ningani) zan khan Tv. Marovate Inah Section Committee an nei a, YMA Day a sport neih tur chungchang leh YMA Day atangkai zawnga hman dan tur an sawi ho.
Ni 9.6.2009 (Thawhleh) leh ni 12.6.2009 (Zirtawp) zanahte hian lengkhawmzai a intihsiakna tur hla Tv. Marovate Inah zir nise an ti a, member zawng zawng thahnemngai taka hla zir theuh turin an inngen a ni.
Tin, YMA Day zingkarah Section Kudam siamtha leh Section huam chhungthianfai a hnatlang neih nise an ti a, Kut them thiam deuhte chuan mistiri bungrua tlawmngaia thawchhuahpui turin an ngen a ni.
NEUVA
Ni 4.6.2009 (Ningani) zan khan Pu R.Lalrualate Inah Committee an nei. YMA Day a sport neih tur chungchang sawi hovin tan lak an turn hie. Tin, an Asst. Leader Pu B.Lalthanpuia chu VC a thlan tlin anih avangin anihna atanga chawlh a dil a, Committee chuan ngun taka a ngaituah hnu ah a dilna pawm sakin a aiawh turin Tv. Lalrotluanga a ruat.
Sprot neih tur inbuatsaihna atan naktuk thawhtan tlai dar 3:30 hian Vengsang Middle School kawtah Volleyball mipa leh hmeichhia khel turte practice tur a ni a, tin, thawhleh zan khian Pu S.H.Lianchhungate Inah hla zir bawk tur a ni. Member zawng zawngte thahnemngai taka practice na ah leh hla zirna ah hian kal turin Section OB te’n an ngen a ni.
VANAPA
Ni 2.6.2009 (Thawhleh) zan khan Pu Lianzika Sailo te Inah Committee an nei. An ni pawh hian YMA Day a sport neih tur chung chang an ngaihtuah. YMA Day ah hian member a tarn thei ang ber kal turin an inngen a, Tin tunlai hian Lengkhawm zaia intihsiakna tur hla an zir mek a, member te’n hla zir hi ngaipawimawh turin an inngen a ni. Ni 9.6.2009 (Thawhleh) zan hian YMA Hall-ah hla zir leh tur a ni a, member zawng zawngte kim taka hla zir turin OB te’n an ngen a ni.
Nimin (Inrinni) tuk khan Section huam chhung tifaiin hnatlang an nei a, member 20 an thawkchhuak. Remchang hmasa berah Section huam chhung tifaia hnatlang neih leh an tuma member-te lo inring lawka hnatlang thei theuh turin an inngen a ni.
================================
ENGLO HUANG
© Ka mut hun (zing dar 2 ni thin kha zan dar 9, thawh hun zing dar 10 ni thin kha zing dar 6 a ni tawh tlat nupui neih chin chu!!!!! Het sala (Baithak) – Pu Sena V.Sec
© Tunlai chu Pawhhawn Tuikhur tui hi a tui ka ti thei khawp mai.
– Lianmawia T.Sec(KFT) © Tunlai chu hla zir ban dar 12 velah pawh hian thiante hriatlohin Blanket hnuaiah Biate lam pang biain ka la thum bul bul thin. – Enkawla(Tuka)N.Sec
© Lianmawi i nula rim hawn apiangin min rawn sawm ziah suh.1 hawnghma thei si.ka la kham ve lo.
– Thanga T. Sec(KFT)
© D-rial-lova min ti fo suh a, nagni pawh eng in an loh kha, a pa pawh CCBu zarah a mu hma ve ta !!!!
– Muandova V.Sec
© Lunglei lamah ka tawih kava kan ve zuaih asn! – Tv.Roa.N.Sec
© Kanu keifangtlang ah sawn i pern rup maiteh ang u.Lennan bike ken a ngai zel si a petrol a hautak e mai. – Valtea(Baju)V.Sec
© Kei chu Bethel lamah mak pa interview in tun lai chu ka buai ve thei lutuk asin. -Zoramthara N.Sec.
© Tar alamah hian nula te u Msg hi chuan min rawn bem tawhlo hram teh u midang chiar tir zel ka ngai si zialo keu vel.-Maroa.K.Sec © Thil thar neih tawh chuan Mobile tangkaina hi ka hre tawh lo, naute pek mai tur em ni aw !!- Sena (Pre. VSC) T.Sec.
© Keipawh tunlai chu enkawla ang deuhin ek in ah nula ka beve thin tho asn. mahse darkar khat vel bak ka be ngai lo.
– Lalte-a.K.Sec
Comments are closed.