Nimin khan Champhai North Block I leh South Block MNF kaihhruaiin Vengthlang YMA Runah, Vengthlang VC leh YMA hruaitute chuan Champhai Vengthlanga Govt. Primary School-II hmunhma, Parking lodge atana hman tum chungchang an sawi ho.
He thutkhawm HS Vanlalfakzuala, Champhai North Block I President-in a kaihruaiah hian, MNF Party hruaitute atangin khawtlang thatna tur atana hma an lak dante ngaihthlak a ni a. He sikul hmun hi PAHOS sum awmsa Rs. Nuai 250-a bul tan theih a nih thu leh, plan & estimate mumal tak nena hna tan a nih theih nan thil tul ang ang an lo bawhzui tawh tih sawi lan a ni a. YMA lam atangin Champhai Vengthlang huam chhunga tlawmngai Pawl hrang hrang thukhawm chuan, zirna kaihhnawih a nih loh chuan khawih danglam loh ni se tia an lo rel tawh thu leh, hemi chungchangah hian Champhai North Bialtu MLA Dr. ZR Thiamsanga pawh an sawipui tawh thu an sawi lang bawk. Vengthlang VC te chuan CHANEM leh VANIS te anga plan leh estimate mumal taka kalpui theih a nih chuan tha an tih thu an sawi thung.
Thukhawm chuan hemi chungchang hi zau zawka la inrawnkhawm zui leh ni se tiin thu an dah niin thu dawn a ni.
Comments are closed.