Nimin khan Vengthlang Banch YMA chuan an din champhaphak vawi 75-na (Platinum Jubilee) an lawm.
Platinum Jubilee lawmna hi chhawng thuma hman niin nimin chawhma khan Vengthlang YMA Ralven buk kiangah Jubilee lungphun hawnna hun buatsaih a ni a, F.Vanlalliana,
Vengthlang Branch YMA President-in a kaihhruai a. K.Rochhunga, Vengthlang VC, Vengthlang Branch YMA hruaitu hlui ni bawk chuan Jubilee lungphun hi a hawng a ni. K.Rochhunga chuan Vengthlang Branch YMA din a nih tirah Branch-in thuvawn bika an neih ‘Sual ngam chein awm suh la, thatnain sual chu ngam zawk rawh’ tih chu vawng nung reng turin YMA member-te a chah a ni.
Lungphun hawn zawh hian YMA hruaitu lo ni tawh leh Section hrang hrang OB ten Jubilee dar an vua a ni.
Hemi hnu hian Vengthlang Hall-ah C.Lalthanpuia, vice president kaihhruaiin hun hman zui a ni a. T.Daniela, Secretary leh C.Zothansanga, Secretary, Platinum Jubilee Organising Committee ten report an pe a. Paul Zakhuma, Souvenir Editor chuan Souvenir buatsaih chungchang a sawifiah a. R.Vanlallawma chuan Souvenir hi a
tlangzarh. H.Lalthanmawia, Fin.
Secretary kaihhruaiin Vengthlang YMA Cultural Committee buatsaih Zonunpar Cheraw documentary film siam chu C.Lalremliana chuan a tlangzarh a. YMA Sub-Hqrs. Champhai president F.Lalrinmuana chuan thu a sawi bawk a. Branch YMA hruaitu hluite chawimawina hlan an ni a, Platinum Jubilee puala Essay inziahsiak lawmman sem a ni bawk.
Vengthlang Branch YMA-ah hian member 1438 an awm mek.
Comments are closed.