Vengthlang North Kohhran (Shalom)

Li thùk lamah dèng zel rawh – Denis Lalfela
Pathianin nun kawng hrang hranga thawk tura min kohna hi i ngaihtuah ngai em? Tun dinhmuna tihtur a pek che kha nang chauhin i ti thei a, mission pek i nih hlen turin Lalpan a mamawh che asin! Pathian kohna hlu tak kan chhanna leh kan nun kawnga min pui turin Isua zirtir Simon Petera nunram hi ngun takin i thlir teh ang. Eizawnna kawngah sangha mantu a ni a; lèn den pawh a thiam a (Mt 4:18), chhungkaw chàwm thei khawpin sangha tam tak a man \hin. Mihring thlirna a\ang chuan hlawhtling pawh a inti hle ang. Zan khat chu len dengin a fehchhuak a, zankhuain engmah a man ta tlat lo. Zing khawvarah thilmak a tawng ta! Zankhuaa engmah man thei lo kha, a Lalpan len deng leh turin a ti tlat. Mihring chapona a\ang chuan a har ngawt ang chu! “Lalpa, zankhuain engmah kan man lova, mahse i thuin ka dèng leh ange” tiin a thawk chhuak leh a. Sangha tam tak a a man leh ta mai. Lalpa thua len den a va pawimawh em! Lalpa thua len kan den loh avang leh mahni ropui nana kan thawh \hin avangin beidawnna leh mualphona hial kan tawk \hin. Krista aw hre duh lova mahni chak ring a ke kan pen avangin thawk \euh a kan inhriat hnu pawhin kan nun a ruak huai a, inhnemna zawngin humsual kan dai chàwk. Mahse kan Lalpa chuan nang leh kei hi inlaichinna thuk zawk, hmangaihnaa khat, nun hausa min pek a duh a, englai pawhin min sawm reng a ni. Chu sawmna kan chhan a, ama thua lèn kan den hunah a ropuina kan hmu anga.
Mihring thiamna leh finna a\ang ringawt chuan tu thlarau nun mah kan chawm thei lova, thlarau damna kan thlen thei hek lo. Pathian fate thlarau mamawh pek tuma kan thawhnaah hian Lalpa aw nghakin a malsawmna nen fehchhuah tur a ni. Tichuan kan \henawmte leh kan beramte tan malsawmna kan ni zel anga, kan hmelah miten Krista hmuin kan nunah entawn tur an hmu bawk anga, kan thusawi pawhin kan beramte thlarau nun a chàwm tawh ang. Lalpa thua kan kal loh erawh chuan kan thusawi chu thu ruak a ni tlawng mai. Kan hnathawh lahin mahni ropuina a tinzawn a, mahni hming\hatna kan um rualin, a ni tèlin kan beram ten min hlat tial tial ang. Missionary te pawh Lalpa thuin an fehchhuak tur a ni; Lalpa hmanrua mai an ni a, an mahni hmanga Lalpan thu a sawi theih nan Lalpa thua lèn an den a pawimawh hle. Chuti lo zawng an kalna ram/hmunah phurrit an va ni dah ange! Nu leh pa te hian fate an enkawlnaah Petera thinlung puin, “Lalpa i thuin kan fate hi kan enkawl ange, min pui rawh” ti a an inhlan fo a va \ul em! Beidawn chang awm mahse, Lalpa nen in fate han enkawl teh u, zawi zawiin danglamna in hmu ang. Ram hruaitute phei chuan mathei lovin Lalpa chakna an dil tur a ni; Society hmasawn nana an mawhphurhna hi an theihna mai a hlen theih a ni lo; thlarau puihna nena rorel kan zir hunah Zoramah ngei pawh dikna a lal anga, ei leh bar a hma kan sawn rualin kan thlarau nun pawh a \hang zel ang. Hawh u, Lalpa thuin lèn i deng theuh ang u.
Nang leh kei anga chak lo, a Lalpa hial pawh hre lo dertu Petera hi engvangin nge Kristan a rin em em le? Petera hian chhuan tur em em a nei lo; chu tlawmna nunah chuan a chak lohnate, a sualnate a pawm thlap a, ama theihna in engmah a nih lohzia hriain engkimah Lalpa auh nachang a hria a, engkimah Lalpa a hriat avang tak chuan Krista mi thlan, a beram te chawm tura a koh bik chu a ni leh ta reng a ni. Petera rawngbawlna kha thlarau hna a ni a, mihring thlirnaah eng ni lo mahse Kristaah a hausa tlat. Tunlaia kan rawngbawltute hi Kristaah an hausa ve em? Krista mi hriat, \awng\ai mi leh mahni beramte ngaihsak mi nise heti khawp hian kan sawisel phal lovanga, an sermon ngaihthlak chakin Biakin hla takah pawh kan tlan dawr dawr ta ve ang. Chutin thawhlawm thawh kan chak hliah hliah ang a, retheite leh eiru ve thei lo te pawhin an phàk tàwk an pek avangin an làwm veng veng tawh ang. Chutah zet zawng Kohhran tinah thlarau mi an lal ang a; mitin an hausakna leh nihna in kan teh tawh lovang a, thlarau hnathawh leh thlarau nun dik tak kan hrethiam ve tawh ang. He hun lawmawm thleng tur hian rawngbawltute kan \awng\ai sak a ngai a; an tlinlohna tarlang a duh tawka sawi chiam mai lovin, tlu ve thei an ni tih hriaa kan venpui an ngai zawk asin. Ringtute pawh inenletin, mi nuna fello kha kan nunah a inphum ve reng tih hria a tan lak a hlawk zawk daih! Rawngbawltu tlinlohna avangin Pathian ka rinna a nep tur a ni lo. Kohhran chu kan ta \heuh a ni a, a dintu Krista pawh kan hruaitu a ni. Eng dinhmunah pawh Lalpa’n min dah se taima leh thahnemngai taka thawh hi ringtu puitling awmdan a ni.

________________________________________________________________________________

§ Nilai zan inkhawmah khan mi pakhat thunun in, thunun lai mi pali te dan chhungah lakluh an ni.

§ Tun kar Dt.4.4.2009 (Inrinni) hi Harhna thlen Ni a ni a, hemi ni hian nileng a Programme hmang duh tan Mizoram Synod chuan Kohhran tinte zelenna-ah a dah a. Kan Kohhran chuan zan Inkhawmah hemi Ni pual hian Special Programme hman tum a ni a. Programme chu phek hnunah tarlan a ni.

§ Ni 5.4.2009 (Pathianni) khi Tumkau Ni a ni a, kan Kohhran Naupang Sunday School lam chuan zing dar 6:00-ah BiakIn a in nghakkhawmin tumkau nen kawng an zawh ang.

§ Ni 24.3.2009 (Thawhleh) zan khan Bial Kohhran Hmeichhe Inkhawmpui thu bawhzuiin kan Kohhran hmeichhia te chuan Venglai Kohhran Hmeichhia te an tlawh a member 35 lai an zu inkhawm thei a, hlawkthlak an ti hle.

§ Presbyterian Church of Wales chuan tunlai hian Kohhran inkhawmna reng rengah a tam thei ang bera Welsh \awng hman a nih theih nan hma an la mek. Wales ram ah hian \awng tualleng leh inkhawmna ah an mahni Welsh \awng aiin English an uar tawh zawk a, \hangtharte zingah pawh mi tam takin an mahni \awng aiin English hman an duh tawh zawk a ni. Chuvangin Welsh \awng tih lar thar leh nan hetiang hian hma an la mek a, hei hi thuneitu lam leh Dan lam pawhin a pawmpui theih nan hmalak nghal a ni bawk. Presbyterian Church of Wales a General Secretary Rev. Ifan Roberts chuan ‘Wales kohhran reng rengah chuan inkhawm Service hi Welsh \anga hman vek ni se’ tiin Kohhran te a fuih nghe nghe a ni.

§ Africa khawmualpuia Assemblies of God insuih khawm chuan kum 2010 a\anga 2020 chhung hian ringthar mi maktaduaih 10 neih hman an tum. Africa ram chhung hmun hrang hrang, abikin Sub Sahara area (muslim tamna bial) ram hrang hrang 50 velah khuan kum 1991 kan AG Kohhran 12,000 awmin member pawhi mi maktaduaih 2.1 vel an awm \hin a, tunah chuan mi makta-duaih 16 an tling tawh a, kohhran pawh 50,000 lai din a ni tawh tiin tun hnai a The Africa Assemblies of God Alliance (AAGA) Meeting Johannesburg, South Africa a neih ah tarlan a ni.

BIAL INKHAWMPUI PALAITE

Kohhran Committee chuan Dt.3-5.4.2009 a Bial Inkhawmpui neih turah heng mite hi Palai tur atan a ruat :
1. Pu H.S.Lalhmangaihzuala 2. Tv Vanlalenga Khiangte
3. Tv H.Lalchhuanthanga 4. Nl Lalbiakremi
5. Pi Lalchhanhimi Khiangte 6. Pi Thangmawii
7. Pi Vanlalkiangi 8. Pi C.Lalbiaki
9. Pi C.Ramengmawii 10. Pu Lalnunmawia
11. Pu K.Lalnuntluanga 12. Pu Khiangthuama
13. Pu K.Sangkhuma 14. Pu Zothanmawia Hnamte
15. Pu H.Zairikhuma 16. Pu H.Biakzama
17. Pu T.Zothangkima 18. Pu K.Rothanga
19. Pu Lalrinsanga 20. Pu H.Lalkhuma
21. Pu Lalthlamuana Varte 22. Pu C.Lalthlamuana
23. Pu Thangseia 24. Pu AMS.Dawngliana
25. Pu Kapsavunga 26. Pu H.Lalkima
27. Pu PC.Darngaia 28. Pi VL.Rochhari
29. Pu Zonunmawia 30. Pu RL.Chhuanawma
31. Pu Zirsangliana 32. Pu C.Lalhmunsiama
33. Pu C.Vanlalrema
Anni bakah heng mite hi Palai nisa an ni: Kohhran Committee Member zawng zawng, Kohhran Hmeichhe a\angin Pi F.Laltlanthangi, K|P a\ang Tv Hrangchuailova leh Bial Sunday School Secretary Pu Lalmalsawma Hmar te an tel a ni.