Champhai District Basketball Association 2nd Division Basketball Tournament chu nizan hmasa khan Final khelhin zawh fel a ni.
C.Vanlalpeka kaihhruaiin kharna hun tawi hman a ni a, CDBBA Adviser Lallawmzuali’n MSL Playoff a Champion Champhai team te chawimawina a hlan a. Champhai District Basketball Association in Academy a din tirh atanga Coach ni hmasa ber, tun hnaia boral ta, K. Lallawmsanga sunna hun chu CDBBA President R. Lalbiakzuala kaihhruaiin hman a ni bawk.
CDBBA 2nd Division Basketball Tournament ah hian team 9 telin Tribal Sonics, Ruantlang BC, Runmawi BC, Vengthlang SC, Nimbuz, Boars 2, Kahrawtians Jr, Sober Youth BC leh Zotlang BC
te an tel a. Tun thla ni 2 atang khan VANIS ah khelh tan a ni a, tournament chhunga hneh loh nei lo
team pahnih – Runmawi BC leh Vengthlang Sporting Club te chuan Final an inhlangkai a ni.
Final inkhel hmuhnawm takah hian Runmawi BC-in 67-58 a Vengthlang Sporting Club hnehin 2nd Division Basketball Tournament Champion an ni a. Season thar atan Runmawi BC hi 1st Division ah an inhlangkai a, Runner’s Up Vengthlang Sporting Club te hi 1st Division (Elite League) point hmu hniam ber nen Play off an khel dawn a ni. Champion team leh Runner’s up te hi pawisa fai, trophy leh lawmpuina thuziak hlan an ni.
Comments are closed.