VENGTHLANG VC TEN SIKUL CHEI THA

Get real time updates directly on you device, subscribe now.

Sorkar Sikul enkawl, Govt Roseland School Building chu Vengthlang VC ten hnatlangin an chei tha.
Govt Roseland School-ah hian zirlai naupang an tam avangin class room an indaih lo va, kumin May thlaa ruah a tlak lai khan silpauline inzar chawpin class an la hial a. A building a hlui tawh avangin
ruah leh thli a thawh tum phei chuan class lak ngaihna a awm lo hial a ni. Hetiangah sorkar enkawl school building a awngrawp avang hian Vengthlang VC te chuan run thlak hnatlang an kohnaa hnatlang phate pawisa tlingkhawm atangin class room pakhat chu Rs. Sing 3 sengin an chei that sak ta a ni.
Govt Roseland School-ah hian zirlai 495 an awm mek a, zirtirtu indaih lova hun rei tak an awm hnuin, kuminah sorkarin zirtirtu pathum a pek belh tawh a, SEDP atang leh Samagra Siksha atangin zirtirtu pakhat ve ve pek an nih bakah zirtirtu pakhat an sawn lut bawk niin thu dawn a ni.
Tunah hian Headmaster telin zirtirtu 9 awm mekin zirtirtu pakhatin naupang 27 zel enkawl ang an ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More