𝗩𝗲𝗻𝗴𝘁𝗵𝗹𝗮𝗻𝗴 𝗩𝗟𝗧𝗙 𝘁𝗲 𝗵𝗻𝗲𝗻𝗮𝗵 𝘁𝗮𝗻𝗽𝘂𝗶𝗻𝗮 𝗞𝗼𝗵𝗵𝗿𝗮𝗻 𝗶𝗻 𝗵𝗹𝗮𝗻

Get real time updates directly on you device, subscribe now.

Vengthlang Presbyterian Kohhran chuan VLTF Vengthlang hnenah tanpuina sum fai Rs. 50,000 an hlan.
Champhai Vengthlang Presbyterian Kohhran chuan Vengthlang VLTF te hnenah chhuanchham an awm palh thulha pek tur leh, Covid 19 dona tura a tul apianga hman turin Rs. 50,000 an hlan a.
Kohhran aiawh in Upa Lallawmthanga leh Upa C. Hualchhunga ten an hlan a, VLTF Vengthlang aiawhin VCP K. Rochhunga leh YMA President F. Vanlalliana te’n an dawng a ni.
Kohhran aiawha thu sawitu Upa C. Hualchhunga chuan, hripui dona atana tul leh mamawh a awm phawt chuan kohhran an la in huam zel tih a sawi a. Vengthlang VLTF aiawha thusawitu YMA president F. Vanlalliana chuan, nikum lam atang
tawhin kohhran in mipui a ngaihsakin, tul leh mamawha VLTF-te kohhran in an puih thin avangin VLTF te thla a muang hle tih sawiin Vengthlang Kohhran chungah lawmthu a sawi a ni. Vengthlang Presbyterian Kohhran hian nikum khan hripui donaa hman turin VTLF hnenah Rs. Nuai 1 an lo pe tawh bawk. Vengthlang mipui lam atang pawhin thenawm khawveng, quarantine mekte tana chawhmeh pe, mipui himna tura duty te tana tui leh ei leh in tur pe thin bakah sum leh paia tanpuina hlan hriat tur pawh an awm deuh reng bawk.
Hetihlai hian Pu Khuangluaia, Venglai, Champhai chuan Champhai Venglai leh Ruantlang VLTF te hnenah hripui leng dona atana a tul apianga hman turin Rs. 15,000 ve ve a hlan tih thu kan dawng bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More