Inrinni khan World Environment Day 2021 pualin Champhai Forest Division leh Champhai Forest Range hnuaia thawktute chuan Mualzen (Forest Nursery)-ah thing an phun.
World Environment Day puala hun buatsaihah DFO Lalduhthlana chuan thu sawiin, thupui Ecosystem restoration mila
hma lak mek a nih thu leh, ramngaw leh nungchate awmna hmuna ecosystem chereu nasa zel tur thuam thatna turin Forest
Nursery, Mualzen-ah thing tiak tha leh hrisel tam tak thar chhuak turin hma lak ho a nih thu a sawi a. DFO chuan hmun bua tawh te
din thar leha hmun hring nuam leh hrisel zawk siama, mihring, Sava leh nungchate te ei tur a awm theihna turin thing phun a nih thu
a sawi bawk.
Lalduhthlana chuan Ecosystem Restoration chu ram emaw lui emaw pawh ni se amaha indin thar leh tura tihbuai loh emaw, a
mamawh ang zela enkawl a kawk thei tih a sawi a. Ecosystem restoration-in a tum ber chu ecosystem tluchhe tawh leh tluchhe
mekte dinhmun him zawka chhanchhuak tura hma lak leh, a chhiat zel lohna tura venhim a nih thu a sawi a. Ramngaw tha zawk, nungcha tam zawk leh tui leh boruak thianghlim, sik leh sa mumal zawk, ei leh bar hnianghnar
kan nei thei dawn a ni, a ti.
Kumin WED thupui atan hian Ecosystem Restoration tih hman a ni a. UN chuan kumina thupui mai duh tawk lovin kum 10 chhung lo awm leh turah UN Decade for Ecosystem restoration atan a puang a. UNEP, FAO leh
WHO te nen thawk hovin hmalak mek a ni.
Champhai Forest Division leh Champhai Forest Range hnuaia thawktute chuan thing tiak 150 an phun a. Herhse, Ngiau, Theihai,
Ashoka Tree, Bung, Rihnim leh Zawngtah te an phun a ni.
Comments are closed.