Nimin khan Champhaiah World No Tobccco Day 2021 pualin hun hman a ni.
District Tobbacco Controll Cell, Champhai bul tuma World No Tobacco Day 2021 puala CMO Office Chamber-a hun hman hi C. Ramdinmawii, Asst. Director, Food & Drug Administration chuan kaihruaiin, Covid 19 hmachhawn turin Chuap hrisel kan mamawh a, Chuap hriselna nasa taka tichhe theitu chu zuk leh hmuam a ni tih a sawi.
Dr. PB Zodingliana, SMO chuan, Vaihlo leh a kaihhnawihin khawvel a nghawng buaiin nunna tam tak a suat tawh a ni, a ti a. Zuk leh hmuamin kan taksa hrisel a tihchhiat nasat thu sawiin, taksa hmelma lian ber a nih
thu a sawi a. Kan taksa tan a tha lo tih hre reng chunga kan la sim thei lo hi kan luhlul vang ni bera a lan thu sawiin, hnam hrisel kan nih theihna tur chuan zuk leh hmuam hi sim a hun tawh hle a ni, a ti a. Thalai zingah taksa hrisel leh nalh zawka an awm theihna tura zuk leh hmuam tih loh intihhmuh mek a ni chu lawmawm a tih thu sawiin, tleirawl zingah a that lohzia zirtir an ngai tih a sawi bawk.
World No Tobccco Day 2021 puala hun
hmangtute chuan zuk leh hmuam laka fihlim a, midangte zirtirtu ni turin an intiam bawk.
Comments are closed.