ZANRIAKIN RAMRI VENHNA THAWK

Get real time updates directly on you device, subscribe now.

Champhai District chhunga daido khuate chu hripui thawh hnihna leng mek karah ramria
inkalpawhna venhim hna thawkin an riak chhuak.
Champhai District chhunga daido khaw 4 –
Tlangsam, Zote, Ngur leh Melbuk VLTF hruaitute leh District thuneitute thukhawmin, hripui leng laka Mizoram a him
theihna tura ramria duty post siam ni se, tih an rel angin Ramria mihring inkalpawh tur leh bungraw phurh luh ruk tur venga duty turin Melbuk leh Zote VLTF te chu ramri-ah venhim hna thawkin an riak lut tawh a. Ningani khan Ruantlang VLTF te riak lut ve
lehin, nimin lamah Tlangsam VLTF te an riak lut bawk a ni. Vawiin atangin Ngur VLTF te an riak lut ve leh dawn bawk a, Vanapa Group YMA huamchhunga Branch hrang hrangte chu ramri veng hian an inriah chhawk mek bawk.
Hetih lai hian Tuipuiral Group YMA huam chhunga YMA Branch 3 – Sesih, Lianpui leh Vangchhiate chu tunkar tir lam khan ramri-ah
an lo riak lut tawh bawk a. MC Lalramenga, Tuipuiral Group YMA President chuan karleh atangin Tuipuiral Group YMA huam chhunga daido khuate chu Duty hian an riak lut vek
dawn tih a sawi bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More