𝗧𝘂𝗶𝗽𝘂𝗶𝗿𝗮𝗹 𝗭𝗶𝗿𝗹𝗮𝗶 𝗣𝗮𝘄𝗹 𝘁𝗲𝗻 𝗵𝗺𝗮𝗹𝗮

Get real time updates directly on you device, subscribe now.

Tuipuiral Zirlai Pawl (TZP) chuan nimin khan Dungtlang to Farkawn via Vaphai BRTF Road, Bhavya Construction Pvt. Ltd. leh BRTF/BRO
tena Black Top hna an thawh mek chu a vawi hnihna atan a hmuna kalchilhin a enfiah.
TZP chuan kawng siam mek hi a vil zui reng tih sawiin, duh anga hna a that tawk loh avangin May ni 11 khan he kawng hi an lo en tawh a, hnathawktu ten an intiam ang leh a nih dan tur anga hna an thawh loh avangin TZP chuan nimin khan kawng siam mek hi a hmunah kal chilhin a enpui leh a ni. Kawng siamtute hian an intiam anga kawng an siam loh avangin an kawng siam sa te chu tichhia in a tha thei ang bera siam tha leh turin hna thawktute hi an hriattir a. Work Manager chuan TZP-in an lungawi lohna a thlen te chu tha zawk a thawh chhunzawm an tum tih a lo hrilh.
Nimin khan Vaphai khawtlang hruaitute nen Vaphai VC house ah kawng siam mek hi tha zawk leh chak zawk a thawh a nih theih nan an inkawm ho va. TZP chuan he kawng siam mek hi an vil zui zel dawn tih sawiin, an hmalakna hian rah tha a chhuah zel an beisei tih an sawi bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More