ZIRLAI PAWL TEN HMASAWNNA HNATHAWH ZIR CHIANG

Get real time updates directly on you device, subscribe now.

Tuipuiral Zirlai Pawl (TZP) General Headquarters chuan June ni 29 atanga July ni 1, 2022 chhung khan bial chhunga hmasawnna hna thawh mek pahnih – Samthang Zopui Phul Nature Park project leh Tlawva Small Hydel Project-te chu a hmunah kalin hnathawh dan a zir chiang.
Samthang khuaa Zopui Phul Nature Park chu tlawh a ni a, Management Committee leh Beneficiary hrang hrangte kawm an ni.  Hnathawh dan hi zir chian chhunzawm zel tum a ni a, a nihna tur ang taka hna thawh a nih a, bial leh Mizoram tana rotling a nih ngei theih nan TZP chuan hmalak zel a tum a ni. Khuangthing leh Thekpui inkara awm, Tlawva Small Hydel Project hnathawh mek pawh a hmunah tlawha zirchian a ni bawk a. Kum 2015 daih tawha hawn tura ruahman ni si, tun thenga hawn theih la ni lo chungchang zirchian a ni. Bial leh Mizoram tana rotling, sawrkar sum tam tak senna hnathawh hi hlawhtling taka thawh zawh thuai a nih theih nan TZP chuan hmalak chhunzawm zel a tum bawk.
TZP hruaitute hi Vanlalmalsawma Pautu (Sr. SDO) leh hnathawh viltu Department JE panga (5) te’n lo dawngsawngin hnathawh dan hrang hrang leh he project kaihhnawih thilte hi an hrilfiah a. Department lam hotute bakah hian hnathawktu (Nortech Company) Engineer, Er. Aditya Bushoyi pawh an kawm a. Tlawva Project tlawh a nih lai hian Khawl tih nun leh enchhin a ni a, hnathawktu leh viltu te chuan hawn theiha peih thuai an tum tih an sawi.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More