Zirlaite Award pe

Get real time updates directly on you device, subscribe now.

Govt. Champhai College chuan an College atanga Graduate tharte zinga University Top 10-a tlingte
hnenah Incentive Cash Award, Rs.10,000 khat theuh an pe.
Govt. Champhai College chuan nikum atanga an lo kalpui tawh angin – kumina an College atanga Graduate thar zinga University Top 10-a tlingte hnenah, Incentive Cash Award, Cheng Sing khat, thawktute thawhkhawm atangin an pe leh a. Nimin khan Govt. Champhai College Principal chuan, kumina an College atanga University Top 10-a tling -Chhuanthanga, Physics, 4-na; Laltlansangi, BCA, 5-na; Lalthazuali, English, 7-na leh Lalrintluangi, Education, 10-na te hnenah Incentive Cash Award hi a
hlan a ni.
Kum dangah chuan Incentive Cash Award hi Graduation Day-ah pek thin an ni a. Kuminah chuan hripui leng avanga Official Function mumal tak buatsaih ngam a nih loh avangin, College Office atanga pek an ni a. Govt. Champhai College chuan Incentive Cash Award hi kum dangah pawh kalpui zui zel an tum niin thu dawn a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More