SYMA Champhai hnuaia Education & Human Resources Development Sub Committee buatsaihin Career Guidance neih a ni.
Career Guidance, Govt. Champhai College Multipurpose Hall-a hman hi Champhai khawpui chhunga pawl 12 zirlaite tana buatsaih niin, resource person-ah C.Lalthazuala, Asst. Commissioner of State Tax hman a ni a. C.Lalthazuala chuan zirlai kalkhawmte chu tun atanga tum mumal fel tak neia lehkha zir turin a fuih a. Lehkhathiam tan hna avang tiin sawi thin mah se, a thiam tak tak tan chuan hna a awm reng, a ti a. Sorkar hnaah erawh an lut vek dawn lo tih hria a, mahni thiamna hmanga eizawnna ngelnghet nei thei tura training theh chi hrang hrang te a sawi bawk.
C.Lalthazuala chuan Kum 5 chhunga MPSC leh MSSB in hna a lak 832 zinga 51 chu Champhai district mi an ni a, Aizawl leh Lunglei tih lohah chuan a tling tamna ber chu Champhai a nih thu sawiin, Champhaiah hian theihna tak tak a la awm reng a ni, a ti.
Zirlai kalkhawmte chu an lehkha zir kawnga an hlawhtlinna dal theitu thil chi hrang hrang laka inthiar fihlim ngam tura chahin, an kal leh zelna tura hlawhltlin theihna tur kawng chi hrang hrangte a hrilh bawk. He hunah hian Champhai khawpui chhunga zirna in hrang hrang atangin pawl 12 zirlai naupangte an tel tha hle a ni.
Comments are closed.