ZIRNA IN HAWNG TAN DAWN

Get real time updates directly on you device, subscribe now.

Thla thar, November ni 1 atangin Champhai District-a Pawl 10 leh 12 zirlai ten zirna a pangngaiin an chhunzawm leh tawh dawn.
Champhai District Magistrate Maria CT Zuali chuan DEO, TT Laltanpuia nen zirna kalpui chhunzawm dan tur chungchang hi an sawidun hnuah Champhai District chhunga Pawl 10 leh Pawl 12 zirlaite chu November ni 1 atanga zirna a pangngaia chhunzawm leh tawh turin Bawrhsap chuan a hriattir a.
Hostal leh Study camp pawh SOP zawm chungin kalpui tan theih a nih thu a sawi bawk. Bawrhsap chuan, heng zirna kalpui tan tur hian Champhai District chhunga zirna in
hrang hrangte a huam vek tih a sawi bawk. Zirna inah hian CAB chu khauh taka kenkawh tur a ni a, a tul angin zirtirtute chuan dan an zawm tha em tih tih an vil reng tur a ni ang. Hri kai natna lang chhuakte chu sikul kal lo tura ngaihhnathiam an ni ang a. Sikul tinin khawsik enna (thermal scanner) an nei tur a ni a. Sikul kal dan tur leh inkaihhruaina tul dang a awm a nih chuan sikul thuneitu ten ruahmanna an siamthei ang.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More