State Teacher’s Award dawngtu F.Lalramliana, Headmaster, Govt Zawlsei Middle School chu nimin tlai khan Zawlsei Selesih Khelmual kawnah Sikul naupang leh khawtlang mipuiin ropui takin an hmuak.
Zawlsei VC kaihhruaia an khaw pa, Govt Zawlsei Middle School Headmaster leh State Teacher’s Award dawngtu F.Lalramliana chu khawtlang tihmingthatu leh chawimawi phu tiin, nimin tlai khan khawtlang mipui leh zirlai naupang zawng zawng ten Zawlsei Selesih Khelmual ah hmuakin, Selesih Lal Kulha Hall ah chawimawina hun ang hmang nghal a ni.
Lawmna thu sawiin Zawlsei VCP PC Hmingthanga chuan, F.Lalramliana, an khawtlang tana zirna hmeichher nung renga chhitu, khawtlang hruaitute tana thawhpui nuam leh tha, midang tana nun pe miin Mizoram State Teachers’ Award a dawng chu an khawtlangin an theihna sang bera an lo chawimawi chu a phu tak zet tih sawiin, Zawlsei khawtlang tan mel lung pawimawh tak a phunsak chu an lawm tak zet tih a sawi bawk.
Teacher’s Award dawngtu F.Lalramliana chuan thu sawiin, a chawimawina dawn chu ama dawn ni lovin an khawtlang, a thawhpui leh SMC te zar a ni tih sawiin, thawh hona tha tak an neih thin vanga hetiang dinhmun hi thleng a nih thu a sawi a. A lawmman dawn Rs 10,000 atanga Pathian ram, sawma pakhat bak zawng chu khawtlang tan a hlan nghal bawk.
Comments are closed.