Nimin khan Zokhawthar-ah Covid-19 kai mi 3 hmuh chhuah belh leh an ni.
Zokhawthar-a Covid-19 hri darh mek chhuizuina kal mekah nimin khan khung hran lai mi 128 chu Rapid
Antigen Test hmangin hri an kai leh kai loh enfiah leh an ni a. An zing atang hian hri kai mi 3 hmuh chhuah an ni a; hri kai hmuh chhuahte hi
hmeichhia vek niin, taksaa natna lang chhuak an awm lo a ni. Heti hian Zokhawthar atangin hri kai mi 13 hmuh chhuah an ni tawh a;
Zokhawthar VLTF-te chuan theihtawpin hri kai thei awm ang chhuizui hna hi an thawh chhunzawm zel a. Nizan khan hma an lak zui zel dan tur an rel a ni.
Champhai district-ah hri kai mi 69 enkawl dam an awm tawh a. Hri kai zawng zawng hi, nimina hmuh chhuah tharte nen hian mi 89 awm tawhin, hri kai enkawl lai hi nimina hmuh chhuah tharte nen mi 20 an awm mek a; an zinga mi 2 hi ZMC-a enkawl tura sawn chhuah niin, Champhai district-a hri kai enkawl zinga chhiar tel an ni.
Comments are closed.