ZOKHAWTHAR KALTLANG BUNGRUA KHAILAK HRIH DAWN

Ni hnih chhung atan Indo Myanmar Border trade chu khar a ni dawn.

Indo-Myanmar Border Trade Point-a duty-ten kumin September ni 7-a Myanmar lam atanga kuhva ro lakluh tur an dan hnuin, Thinghmarcha lakluh mek chu kal thei lovin dan a ni leh a

Nimin leh vawiin bik atan helai hmuna insumdawn tawnna bungrua eng chi pawh ram chhunga lakluh theih lohin an dang leh dawn. Assam Rifles te chuan hotulu zawk atanga thu an dawn bawhzui a hma la an

nih thu dawn a ni a. Hunpui lo thleng turah sumdawngten bungrua an lakluh hun laia

bungraw lakluh hleih theih loha dan a ni thin hian ramrí hrul a mi te mai bakah mipui nawlpui lakah nghawng a nei thin a. Helai hmuna ram pahnih insumdawn  tawnna hi pangngai taka kalpui tura tih a nih tawh vangin danin a phal chin bungruate chu Zokhawthar  kaltlang hian lakluh a ni a. Nitin eichawp chi hrang  hrang, thlai leh theirah te lakluh a niin, thawmhnaw chi hrang hrang, insakna bungrua leh Motor spirit thlengin chawkluh mek a ni a. District Magistrate in Ar leh Vawk lakluh a khapna erawh  kenkawh mek a nih rualin leichi pawh ramchhung atanga Myanmar-a thawnchhuah turte chu Mizoram sorkarin a dang rih.

Nitin bungraw lut leh chhuakah dan phal loh thil ramchhungah lut tel thin ni a Assam Rifles-ten thu an dawn vangin September 7, 2019 atang khan Kuhva ro bik lakluh thin chu tihtawp lailawk a ni a. Ramri hrula cheng, he insumdawn tawnna kaihhnawih a eizawng chhungkaw tam tak a nghawng a ni.

Hetihlai hian, heilai hmuna bungraw lut leh chhuakte khar a. nih dawn pawhin, a chhan leh vang mipui leh District thuneitute hriattir lawk tur leh, khar a nih chhung hun rei zawng tur pawh hriat lawk tir hmasak ngei ni thin se an duh thu helai insumdawn tawnna a innghat pawl hrang hrangte hnen atanga dawn a ni bawk.