Zokhawthar kawng siam mek tlawh

Get real time updates directly on you device, subscribe now.

Zirtawpni kalta khan MJA Champhai te chuan Khankawn leh Zokhawthar inkar kawng siam an tlawh bakah Tarmat Company building sak an tlawh nghal.
Champhai Chanchinbu mite hian Khankawn leh Zokhawthar inkar kawng siam mek an tlawh pah hian kawng siam hna thawktu Tarmat Company-in Zokhawthara Trade related Infrastructure atanga Cheng Nuai 81.5 senga an sak building an tlawh nghal a. He in chhungah hian Bathroom 6, chaw eina dawhkan leh eirawngbawlna turte siam a ni a.
Bulding tualzawlah hian Truck 15 vel din theihna tur siam a ni bawk. Tarlan tawh angin Champhai chanchinbu mite’n Khankawn leh Zokhawthar inkar kawng siam mek an tlawh zawh hian hnathawktute nen thukhawmin
hnathawh duhthusam lo laite bakah Zotlang leh New Champhai inkar kawng (Spur Road) sira lungrem dah belh tur te, Leimin leh leileta tui tling vanga kawng tlakhniam hlauhawmna laia leimin vengtu tur dah tur te; Speed Breaker an siamte IRC:99-1988 Guidelines ang ngeia siam tha a, hmuh awlsam theihna tura chhinchhiahna siam leh rawng hnawih rang tur leh, lirthei chetsual thlen hlauhawm zualna lai hmunah tlak dal (Crash Barrier) dah turin hnathawktute hi an sawipui a.
Zotlang leh Khankawn inkar kawng an siam zawh tawh, tuna thawmthat hna an thawh mek chu tha taka thawk turin an hrilh bawk. PWD lam hotute chuan New Champhai leh RD Filling Station inkar culvert an siam hnawhphui leh tuiluankawr sawn bakah tuiluankawr leh culvert vela bawlhhlawh paih an awm chu an ngaimawh tih an sawi a. He kawngpui siam a nih a, ram an laka zangnadawmna an pek chin chhinchhiahna siam a, humhalh zui zel a tul tih an sawi bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More