Champhai District chhung, Zokhawthar Police te chuan Zirtawpni Zan khan Metampetamine Mum 5,05,000 leh a neitua puh an man a, hei hi tum khata Champhai District chhunga Metampetamine man tam ber tum a ni.
Ni 23.9.2022 (Zirtawpni) dar 6:30 vel khan Zokhawthar Police Duty te chuan Melbuk khaw daiah lirthei an endik a, Zokhawthar atanga Aizawl pan tur bungraw phur, Truck hma lam, a seat chunga thuhruk Methamphetamine Mum 5,05,000 leh a neitua puh Lalrindiki, Zokhawthar Field Veng ni-a insawi an man a, Methamphetamine hi international Market-ah ₹ Vaibelchhe 167.4 hu a ni a, a neitua puh hi ND&PS Act tlawhchhana thubuai siamsak a ni. Inrinni khan District Court-ah hruai niin Police te hian Court-ah hian thuzawh fiah turin darkar 24 kawl belh an dil a, he thila inhnamhnawih dangte hi chhui zui mek an ni.
Champhai Police te’n September ni 22 khan Metamphetamine mum 2,52,500 an lo man tawh a, hei hi Champhai District chhunga Police-in an man tam ber niin ni 2 hnu lekah he record hi Zokhawthar Police te chuan khumin nizana an man hi tum khata Champhai district chhunga Methamphetamine man tam ber tum a ni.
Champhai Police hotute sawi danin Methaphetamine te hi Mizorama vawrh darh tur ni lovin Mizoram kal tlanga tawlh an ni tlangpui a, hriat theih chinah Mizoram chhungah Methaphetamine rui thin an awm hriat a ni rih lo a, Police-in an man te hi Mizoram kaltlanga India ram hmun danga tawlh tur te an ni.
Comments are closed.