ZOPUI PHUL CHEI DANAH DPR NEN IN MIL THEIIN HRELO

Nimin khan Tuipuiral Zirlai Pawl, General Headquarters chuan Aizawl Press Club-ah thuthar lakhawmtute kawmin, an bial chhung Samthang khuaa Ministry of DONER hnuaia North Eastern Council sum hmanga hnathawh “Samthang Zopuiphul Nature Park Mizoram” saka hnathawh a chhe lutuk niin an sawi.
TZP te chuan tuna hnathawh mek chu DPR nena inmil lo, DPR aia chhia veka sak a nih thu an sawi a. He hnaah hian uchuak taka sum tihchingpen a awm ngei niin an ngai tih sawiin, a nih tur ang ni pha lo leh thawh tur ang thawk zo lo leh, bungrua awm tur awm kim si lo chunga Completion Certificate pek a ni, an ti a. Hemi chungchang ah hian an lungawilo tak zet a, mawhphurtute dan anga hrem an nih ngei theih nan hma an la nghal dawn tih an sawi.
TZP te chuan Mizoram Lokayukta-ah complaint an thehluh nghal dawn thu leh, sum hman ngei tura ngaih hman loha awmte chu tu kutah nge a awm an hriat duh thu an sawi a. Hna thawh nana hman a nih leh ngei an phut tlat thu te, thuneitu ten a rang lama hma la tur leh hrem ngai an awm a nih chuan hrem ngam tura an phut thu an sawi bawk.
Hmalakna te hi Tuipuiral Zirlai Pawl chuan a ngaichang reng dawn tih an sawi a, hmalakna a awm lo a nih chuan Tuipuiral Zirlai Pawl chuan a thiam ang leh tul a tih danin hma a la dawn tih an sawi lang tel bawk.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More