ZOPUI PHUL MIPUITE TLAWH THEIH TURIN BUATSAIH MEK

Get real time updates directly on you device, subscribe now.

Samthang Zopui phul khualzin miten an tlawh theih turin inpuahchah mek a ni a, Inrinni khan Champhai District thuneitute leh Mizoram sorkara Planning Department mithiam ten an tlawh.
Samthang Zopui phul hi khualzin miten awlsam zawka an tlawhpawh theihna tur leh he hmun tlawhtute riahna tur leh khawsakna hmun tur te buatsaih mek a ni a, Samthang Zopui phul khualzin miten awlsam leh nuamsa zawka an tlawh theihna tur hian Project Phase-l kalpui mek niin Inrinni khan Mizoram sorkara Planning Department mithiamte leh Champhai District thuneitute chuan tlawhin hnathawh kallai mek te an enfiah a ni.
Champhai DC Pi Maria CT Zuali chuan project a puitlin theihna turin hnathawh kallai mek te vil reng anih thu a sawi a, Samthang Zopui phul cheibawlna tur hian NEC atangin cheng nuai 149 hmuh tawh a nih thu leh cheng nuai 240 dil leh mek anih thu sawiin tunkar chho ah hian dawn hman beisei ani a ti.
A thawhkhatna atan NEC atangin cheng nuai 149 hmuh tawh atangin In leh kalkawng leh thil tul dang siam mek a ni a, Samthang khaw chhunga mikhual thlenna tur Home Stay pahnih sak mek niin Samthang Zopui bul leh duty te awmna leh mikhual thlenna tur In pakhat sak zawh tawh anih bakah Samthang atanga chawlhbuk In inkar kilometre thum leh a chanve a thui chu a fur a thal a lirthei laihawl chin kal theih tura sial fel ani tawh a. Zopui phul hi lirthei a kalpawh anih lohna turin duty te awmna In atangin metre 700 vel ke a kalna kawng lian vak lo sial fel ani tawh bawk.
Helai hmuna kawlphetha pek luhna tur pawh buaipui mek niin tunah hian Transformer pakhat bun fel tawh niin Khawbung leh Samthang inkar Power Line atangin charge tum a ni a, hun reilo teah kawlphetha hi tihfel theih beisei a ni. Samthang Zopui phul kianga dil pahnihte chu sangha khawi theih tura tuaihnum tur zingah telin dil awmsa pahnih te suihfin tura ruahman mek a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More