ZPM ah mithar mi 306 lawmlut

Get real time updates directly on you device, subscribe now.

Nimin khan ZPM Party, Champhai chuan MJA Press Club-ah mi thar lawm luhna hun an hmang a. He hun hi ZPM Leader Lalduhoma chuan hmanpuiin, mi tharte hi a lawm lut.
Nimina hun hman hi Dawngsuanpaua, Vice President, ZPM, Champhai district-in a kaihruai a. VL Ngurliana, Secretary, ZPM Champhai District Report a tarlan dan chuan mi thar lawmluh hi mi 306 an ni a. Kal khawmte hian ZPM, Champhai hminga an sum thawh khawm chu Lalduhoma hi an hlan bawk.
ZPM Leader Lalduhoma chuan thu sawiin, ZPM party chu hmun tin atanga an pun zel thu leh a lawm luttu lamin an umphak zo lo zawk tih sawiin, lawm luh zinga mi thenkhat chu tu ma sawm loha mahni duh thu ngeia inpe an nih thin thu a sawi a. MLA inthlan leh AMC inthlan chungchang sawiin, a hma chuan semi-final-ah tla thin mah se, MLA leh AMC inthlan hnuhnung berah chuan pahnihna an nih ve ve tawh avangin final khelh chu an hmabak a nih thu a sawi a. AMC-a a in-candidate lo chung pawha MNF party-in an la bei zui zel chu mak a tih thu a sawi bawk.
ZPM Leader chuan kal khawmte chu Serchhip bial By-election lo awm turah Serchhip-ah chhungte an nei a nih chuan theihtawp lo chhuahpui turin a sawm a. Thilpek petute chungah lawm thu sawiin, duhsak taka an thilpekte chu Campaign-na tur atana an dahkhawl zel thu a sawi bawk. ZPM-a inpe thar mi 306-te chu ram siam that duh tak taktu an nih thu sawiin, rinawmna leh taimakna nena an party-a rinawm taka awm tura chahin a lawm lut.
He hunah hian TBC Lalvenchhunga, PAC member leh mi thar lawm luhte atangin thusawi ngaihthlak a ni bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More