ZU HMUNPUI TIHCHHIAT BAKAH RUIHHLO MAN

Get real time updates directly on you device, subscribe now.

Champhai Excise & Narcotics Dept chuan Zu bilh lai Tin 70 an man a, Heroin Hawng 4 leh a neitua puh an man bawk.
Thawhtan tlai khan Champhai Excise & Narcotics Dept chuan Champhai Chhungte ram-ah zu siamna hmun luhchhuakin, Rakzu Litre 12 leh Zu bilh lai Tin 70 bakah Zu bilhna hmanrua Bel 4, Bel mawng pawp 2 leh Plastic Container 6 an man a. Zu bilhtu nia rin Nangzathanga, Champhai Kanan Veng chu man bawkin, MLP Act tlawhchhanin thubuai siamsak a ni.

Champhai Excise & Narcotics Dept hian nizan hmasa dar 9:00 khan Zokhawthar kawng National Highway No 6, Vawmkaw Lui-ah Heroin Hawng 4 (Gram 54.06-a rit) Tualchhung hralhnaa ₹ Nuai 2 hu leh a neitua puh Lalrindiki, Zokhawthar khua nia insawi chu an man a. Heroin neitua puh hi ND&PS Act tlawhchhana thubuai siamsak a ni a. Zu leh ruihhlo neitua puh mi pahnihte hi Champhai District Court-a hruai an nih hnuin Lung Inah khung an ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More